Kennarar

Huld Hafliðadóttir, eigandi Spirit North

Jóga  Nidra – Gongslökun – Kundalini jóga – Yin jóga – Kakóhugleiðlsa  – Ýmis námskeið

-Lífið sjálft er hið raunverulega jóga-

Áhugi minn á jóga kviknaði fyrir alvöru eftir að ég átti dóttur mína í árslok 2007. Eftir fæðinguna og á fyrstu mánuðunum með henni fann ég að ég tengdist líkama mínum, sjálfri mér og innsæinu mínu á einhvern nýjan hátt sem ég hafði ekki upplifað áður. Ég hafði þó verið í 12 spora samtökum um nokkurra ára skeið og unnið mikla sjálfsvinnu þá þegar.
Þegar miðjubarnið mitt var 3ja mánaða fór ég síðan á mitt fyrsta Kundalini jóga námskeið og ég man eftir að hafa komið heim úr jógatíma og sagt við manninn minn: „Þessu ætla ég aldrei að hætta“. Þetta voru sannarlega stór orð, en jógaástundunin færði mig á einhvern óútskýrðan hátt nær sjálfri mér og var eins og týnda púslið í lífspúslinu mínu.
Nokkrum mánuðum síðar skráði ég mig svo sjálf í kennaranám í Kundalini jóga hjá Kundalini Research Institute í gegnum Auði í Jógasetrinu og útskrifaðist með kennsluréttindi síðsumars 2010. Það var umbreytandi nám sem breytti lífi mínu á margan hátt.
Fyrstu 10 árin kenndi ég Kundalini jóga 2x í viku og síðar bætti ég við námið og bauð upp á fjölbreyttari tíma og námskeið. 
Ég hef kennt börnum jóga í skipulögðu skólastarfi, sem og utan skóla, (allt frá leikskólabörnum og til framhaldsskólanema) ég hef kennt skrifstofujóga- og slökun og kennt jóga fyrir hópa með sérþarfir. Ég hef reglulega haldið námskeið á Laugum, sem og á Raufarhöfn og Þórshöfn. 
Undanfarin misseri hef ég lagt mesta áherslu á slökun og hugleiðslu. 
Hér fyrir neðan er það sem ég hef numið í tengslum við jóga, slökun og hugleiðslu. 

Grunnur:
2010 Kundalini Research Institute, 200 klst. Kennararéttindi, viðurkennd af Intl. Yoga Alliance

Viðbætur:
2012 Childplay Yoga, krakkajógakennsluréttindin, 25 klst.
2013-2015 Sat Nam Rasayan heilunartækni Level 1 og hluti af Level 2
2014 Conscious Communication, KRI Level 2, 62 klst.
2015 Radiant Child Yoga, barnajógakennsluréttindin, 25 klst.
2017 Gong Grunnur, 10 klst.
2018 Yoga Nidra með Matsyendra, 20 klst
2020 Yoga Nidra Immersion og Certification, 100 klst. frá Amrit Yoga Institute
2022 Yin jóga kennararéttindi, 50 klst. frá Karma jógastúdíó

Nele Beitelstein

Hatha – Vinyasa – Flæði